Kronika našega molega mista
UREDNIŠTVO
  • Chobon 1311
  • Chobon 1612
  • Chobon 1510
  • Chobon 2511
  • Ne odgovoromo na natpise u komentorima...Mi postavijemo i pisemo tekstove, a komentirote Vi..
Kontakt:
  • cobonsbracute@gmail.com
  • s obzirom na trenutni knockdown..imate mail za primjedbe,pitanja....
Anketa
na kronici komentirati mogu?


Rubrike
  • FOTOGRAFIJA TJEDNA
    Saljite svoje slike na mail kronike i jednom tjedno objavljujemo najzanimljiviju. Zahvahljujemo!
Sponzori
Blog - kolovoz 2008
srijeda, kolovoz 20, 2008

Pučiška kronika u cijelosti prenosi tekst Testamenta.Uredništvo
se odriče bilo kakve odgovornosti i nema nikakvog autorskog
udjela u istom. Neodgovaramo za bilo kakve posljedice koje
tekst može imati na fizičko i duševno zdravlje aktera i čitatelja.
Srdačno!

 Poštovani puče u Pučiškon vali,
Evo ča van je naš Jure ostavi!
   Pučišćani moji, vajalo bi se probudit
Ponovo na noge stat
I nikormu ne dat da nas zavadi, iskoristi
A tukalo bi i znat da će puno judi Jadrankamenskih bez posla ostat.
Ma nieće judi imat kuo zakantat!
Sve nas je manje ostalo
A puno se tega provalo:
Vina u mistu ni ni za lik
Nikor nieće dat
A još bi nan somo tribalo fureštima store kuće prodat.
   Cili vik stinju tučemo
Borimo se, žuje stvoromo,
gomile grodimo, masline sodimo,
A sad nas ni voja ni zjat i kuogule bismo tili iskopat
Vajalo je i Veli kaštil imbazdat
A Leo se penso kako bi muogo peraje prodat.
   Misto, va priznat, poteštot je dobro do kultivat,
A za koga, svit će se pitat!?
Pol prežun nikor već ne sedi
Bojidu se da hi kojo stinja ne pogodi.
Valo bi znat da je to kula sazrila
Tilo bi da se dovna obnovila.
Skula ol stinje oldovna zube parićala,
Na igralište iste parkirala,
Ali Općini se očito ne do to finit
Osin kulu na bandiru prilipit.
   Ol otela malo je čo općinsko ostalo
Čin je Juru misto diretura otela dopalo.
Jedino je Knjižnica u otelu naša,
A u nju ne možeš ulist
A kamoli da biš mogo čo proštit
Va uziest libar i brzo uteć
Hodit u teplo bez vragu slova reć
Ruke ćedu drćot duokle zima traje
Vajat će nan zaposlit Eskime umisto Zorke i Maje
   Anbulanta je propala, a potriba je za njuon pojačala
Pok je Fani novega pasa Benita dognala.
   I brž ćete reć da nan va i s manjin bit shorno,
Ma ni nami ni Dugopolje rovno,
Imomo mi 7-8, a bit će i veće, industrijskih zuoni,
I, kako je ried, u našon Državi slovnon,
Sve na divje, nijedna provno.
   Skula se nadogrodila
Općina skoro obilila
Riva se eto fudroje
Šaliž se stavije
Gruobje se proširilo
Cesta se probila i odma nikie nevoje donila.
Je da je Renati maslina ostala, po je za to Luovri ćikulotu poslala,
Ma kunjod ne do da mu cesta nimo kuću pruojde,
jerbo uvik predo da mu Renata u kuću duojde.
Eeee, Buoris Tronj, jadno tilo,
skoro mu je česmina pala cilo.
Zakoro se sa Slavenon i svima
Jer bi mu novo auto-štroda kroz tiniel prolazila.
Ženu je u živi zid postavi
Kal se Stipe Bobovišćanin sa utovarivočien upravi.
Jadna i bidna sva se iznebušila
Jer je mislila da non se kuća srušila.
Tako je Rinu stavi da stražori
I skoči u Općinu da Slavenu mito podori.
Ni Andro Kalajić sa cestuon kuntenat ni
Uon bi nojvoli da se priko Tronja kuće novo trasa učini.
   Ma novo cesta je i puno doprinila
Misto čistin učinila.
Miro Delija iz Big Brother kuće odma je odni nikoliko prikolicih, štracih,
Pusto štramacih, kanavacih, stranačkih biljetih, storih koćetih, a nošlo se tuot i ol prežidientih storih letratih – tek je sada Miro shvati ol čega mu sin Arsen pati.
   I Nikša Bon jedva je novu cestu dočeko,
bratu u Australiju piso, dolore očekivo,
a jadan, kal mu je u autu Viktor o mlodin ženskima provjo,
zokuon krši, odma je Nikša bidan u dolac svrši.
I tako je Viktor Žaba išo iz Supetra Nikšu Bona dovest,
a vi ga sal za protuuslugu tuži, imo bit da će ga i u zatvor privest.
Učin dobro, izij guovno, znali su naši stori navest.
   Prid izbore uprava mista je na siguri balun zaigrala,
Da bi Slavenu opet četiri godine katridu osigurala.
Počeli su nove plaže činit, rivu, ceste i igralište tobože reparirat,
A sve se to zbilo, jer se poteštotu misto puno oslodilo.
   Selim je na račun Općine zlotne zube napravi
Duokle su Mote i Tuonko umisto njega konole kopali.
A da ne bi zaboravi, i Mote je opet sina napravi,
nagradu od Općine škodi
porodiljno uspi otvorit,
Selima zamini dok je ovi njemački uči govorit.
   Domjenak SDP-a u Ladota sve je zadivi, Jureta opčini,
Mucota raspoloži, Juricu osokoli, a sve hi je manje.
Kal je Slaven s Marijon zabalo, Bego se inkanto, udovicu gledo,
a Slano predo kal će Lado na karatil spizu donit, zelenu pivu popit.
A i moli Bato ti je znat hoće mu Slaven redovni dopust iz vuojske dat.
   A naš HDZ-ovac Zuore Crni otvori firmu ol lampjunih
Govori da će zaposlit svakega ko isprid njega zaokruži listu HDZ-a
Žena mu po puortu šieto ko na muodnon pisti


A Zuore kal doma duojde va da za njuon čisti
U vrtiću novi je režim postavila
I za tu svrhu novega peugota nabavila
Jadnemu Zuori malo se ubit
Nojboje bi bilo nove jude u HDZ primit.
   Ol kal je Austrijonac na čelo Jadrankamena skoči,
Novi plon roda svima je pridoči.
To ni svima odgovoralo,
Jer nin je do slobodnega vrimena iz storega režima stalo.
Jasno je da su se naši sindikalisti tečaju informatike posvietili
Jerbo nin je prešidient Uprave reko da bi se tako opamietili.
Ol svega tega Truto je nojveće profitiro
I za Litvu veće putih valiže spakiro.
Rodnici su ko pizde ostali,
Kal su misto debjih buštih, priko noći nojgori crnci postali.
Dosta je bilo kurbina pira i vike i grafitih po pilani i petrodima,
Ol sal više nimo nena - nina
jer je Dominis kalo za cilo dvo čina.
   Stražori iz Jadrankamena su se pusto uznemirili
Jer in je posol delikatan i upitan:
Austrijoncu ne tribodu, Postirani hi ne volidu,
A pučiški šofieri Boga molidu
Da njihovi libri ne vididu svitlo donje
Jer u njima piše svega potonje
A da se svakomu sve izbriše
Na biljor se tribo svakomu sve da zapiše.
   Ol kal je Studenac butigu moderniziro
I moli Tuoni ol Nile je avanciro.
Sal prodoje ruog za sviću
A u pokuojnega Štefana iške dotu i sriću!
   Kal je Mira Musina novo osuoblje dovela,
Novu eru ugostiteljstva u misto je uvela.
Spase i Franka prid pietu uru kafić su očistit duošli
I u nezgodnen položaju odriejene nošli.
Bez zroka u momientu svi su ostali,
Jer nisu znali kako bi reagirali.
   U slastičarni je promet noglo po
Po je Šala iznebušen osto.
Olma je agenciju Puls zvo
da mu vidi radi česa to.
Stručnjaci su na terien izošli
i uzrok u novon skuli nošli.
Kako u skuli pitote se vi?
Radi duple smjene
Učiteljicih već u slastičarni ni.
   Ni Putici ni lako, ćarice su u riedu, a magazin se, eto, ruši,
Pipo grubo gledo prima crikvi, jer crikvi ni pravo.
Don Tuonči se crikvicon na Botku foli,
A svit nesritnji bali da se uon na dozvolu žali.
A naš Don Tuonči šesni je i drogi,
U mistu već 25 godišć ko crnjo moli i rodi,
A niko nimo snogie da ga za to nagrodi.
Raspusti je crkveni odbor a da nisu ni znali
Da bidu uon i Danijela u veli ston upali.
More bit za to če bi se onda znalo
Koliko se piniez u crkvenu škrabinu inkasiralo.
Ne znomo kojie je ston kvadrature
Ali smo siguri da je dosta velik za puo ure torture.
   Ovega Božića stavili su ditića
Prid oltor u kaić,
Po kal su mu tri kroja u vižite hodili
Lipo su se iznenodili:
Ditić, po š njin u kaić!
Nisu se muogli popiet i dore mu dat
Duokle Milan Aneštro ni pomogo kuštat.
   Glovno da se Nurudin u našen molen paizu prizento -
Ma ča on obo beštijima i poljoprivredi zno?
Jure Krise ga odovna već grubo gledo
Jer misli da mu na ženu predo.
Ali Nurudin ne gledo na nju,
Imo bit da je skruoz zatrnu.
Od polovične privatizacije zubarije je popizdi
Izgliedo da je sve šuolde spizdi.
Velu kuću u Supetru je izgrodi
i dvo novo auta u garažu usodi.
 Na jubavnen i poslovnen plonu
Stipu Masu makli su u stronu.
U poduzieću ni dobi požiejno misto
A u Antonije Filetove fasovo je isto.
   Pari da je opet u muodi oženit curu tek kal ti rodi,
Petar Kale ultra je moderan ma ni onda nieće bit spieman.
   Ivica Šala se pokozo na dilu
Kal je tribalo zaduperat silu.
Molega Roberta Grikulu napo je fizički,
Jer imo bit da se prima njemu odnosi kritički.
Grikulu ćapo je stroh, umalo da ni izgubi doh,
I panika ga je ćapala
Da mu ne bi barsko katrida na glovu pala.
   U mistu smo dobili vaterpolo klub,
A niki su ga odma uzeli na zub,
Turnir se ni ni poče igrat,
A na suce je Špoda Ivek već poče vikat.
U povojima klub duokle je bi
Moli Gunje je veliken Ivi dišpete čini.
Sada službeni kal su postali
Gunje i ekipa su ga pokopali.
   Miko Pipica je odluči u glovi podoban bit,
Po je novu frizuru do učinit.
Kako da te ostrižen – pito ga Antonela
Hoću moja, frizuru ko Nelson Mandela.
Jerbo naumi je poteštot postat,
Ma to bi ga muoglo glovie koštat.
Zamiri se Slavenu, Katiji Bonbanovon i pročelnici iz Humnca,
Ma sve nan se čini da će posli izborih umisto jonca ispeć kunca.
   Visilo, oliti ga Maks, puno je učini za vuo misto
Ne smi mu posli Ville Marie ni zlaka s glovie past,
Po će i nami, ko i njemu, koji veštit iz serije ostat.
   Pujak je papagaja kupi
I svaki don mu isto tupi
Duokle ni nauči zvižjot, balat i zabeštimat.
Govori mi Gvaš: E a ni, molit će ti Oče naš.
   A Luce, poteštota našega žena,
Puno je svita pasala,
I onda isprid skule auto parkirala,
Jerbo va znat na šaliž stat i auto oprat.
   Diretur ol Vele skule u Francusku je hodi,
Puste Postirane vodi i na njih naloge škodi,
Skupi dor za matrimuonij djelatnici sinu kupi,
A nikor ni zaboravi da su oba grube noravi.
   Jedva smo se ol Nove godine razmantali
A već su predsjednički izbori arivali
Oćeš fikus, oćeš čajnu, oćeš jieža, oćeš trajnu.
Po će Vinka: «Vrag će ti ga znat?
Jo ću glos Ćiri dat.»
A Striš će njuon: «Dobro ćeš napravit.
Brž će te onda za beka stavit.»
   Svit muoj, nikal u mistu ni bilo voliko Kovočevih:
jedon temperoje, drugi, govori se, navigoje,
jedon imo bager, drugi kamion,
jedon rodi u petrodi u Spliskon, drugi tri puta čisti masline da bi urodile,
jedon kupatila instaliro, a drugi u Neposta za krotko i monolamu montiro,
duokli ga i ti ni potiro.
Sa poteštoton su svi u dobre,
posla za njih uvik imo,
ništa hi ne iritiro niti PDV interesiro.
   Nađan se u zojno vrime strahovito brine
Teraca je propišala, gljivice iritirala
Stinja je iz Spliske arivala
U Mujie i Moška ispilala.
Sve bi to bilo dobro
Da Milanu Buleti ni u misli do kuće cestu dovesti
Jerbo je već dosta podesti
Curu za dovesti uvik predo
Jer ga Harlo sa ponistre gledo
A ovako bi je odizgor dove i brž prid oltor odve.
   Matko Meštronte brzo rodi, grodi ,
Ilegalne mehaničare angažiro, friezu adaptiro,
Šuri iz Njemačke sve parićoje jer brzo se vraćo,
A Matko eure posve ozbiljno shvaćo(i prihvaćo).
   Andrea Šalina, šesno i poslovna žena
Moli je ston u Solinu kaparala
I odma u Francusku olputovala.
Kal su arivali i stvori u otiel ostavili
Žvielto su muzeje obigrali
Čin su plotili biljete za muziej
Ulizli da sve vižitodu
Paula se odma inkantala i materi špjegala
Mama, muzej je ko banka
A Mona Lisa ko teta Branka.
   Kal je Frane Meštronte u buolnici bi,
Ženu je uvik s tujega mobitela vrti.
Zdravka je pitala ko će to plotit i čoviku jubov vrotit?
Na to je Frane odgovori da to ni skupo,
Jerbo se u struju ušteko i inpulsima nasupo.
   Đurđi se velo dežgracija dogodila
Kal je letrika ol groma sve aparote u kući pogosila,
A ona, žena ol' svita, osiguranje je ishodila
Neka je pri tega mužu takujin s eurima u makini izblidila.
   Psiho već ni ni pola ča je bi godinu pri
S kućon je sto, već ne popravije radija, televizije i tehnike ine
Ali, kako čujemo, kanta in kanta, ruke mu fine
bilanca ni šala, rekla je mala i pusto njegovih autih nabrojala.
   Juoze Ciezar Međimurje veće putih pohodi,
svega novega nauči,
pancetu dobro osuši da se prijatej Špoda ne bi uduši
i onda doma dohodi.
   Ivica Dragon strošno žali, Zadruga mu fali.
Sa biroon ni kuntenat, ali ovo meju nami,
jer ne bi želi da se to, po vragu, u tastamenat stavi.
Ditelina u njega ni skupa, fermentun u pola,
Glovno da mu sin iz Rijeke može duoć doma.
Bugara čiesto u hotelu foli, a uon mu zno reć: Muč Jure moli»!
   Valo bi judi ništo učinit, ništo prominut
Valo bi da se Županiji i državi obraćomo,
A ne da propadomo.
Di nan je bare liti vapuor, katamaran ili niki drugi bruod?
Ča se po temu čini?
Naše nan sutra jemo niki špuorki kolur.
Di će du nan dica rodit, di će du stot – parcele ni za lik.
Valo bi skulu u kafić priselit.
Misto nan se bome dobro išekalo,
kako sa stiniuon tako i sa judiman.
Somo nan se gruobje uvik iznova širi
More bit da je gori puno lipje živit
Kal se u mistu svega nikoliko rodi, a na desietke umre.


 

Pucisca-bb @ 18:17 |Komentiraj | Komentari: 60 | Prikaži komentare
srijeda, kolovoz 6, 2008

Evo, počietak agusta pokozo je promjenu u odnosu na prethodni dil lita...Već u subotu bi je konciert Belfast Fooda i u Dragana se skupilo svita ko šipak, ča na sjedećim, ča na stajaćim mistima, lipo je bi popunjen pruostor isprid kafića i još iza. Konciert je bi odličan, šćeta ča je već u puo noći valo ugosit muziku... Za onie "drugačije" prikosinoć su Gazde svirale na brodu isprid općine (oni su muogli i do kasna...) po je okolo bilo pršutih i sirih i rakijicih... Bruod se zvo Nirvana po smo komotno mogli reć da nan je u misto duošla svirat i Nirvana .
Navodno će bit još jedon rock konciert uskoro...ako ne zaebe vrime... (vrime je znalo zaebat dosta tega zojnih litih). Boje mi je ne zvat sudbinu...
Unatoč nedovršenosti igrališta na Toliji svaku večer se igrodu sportovi pod svitlom reflektora. Sal će Olimpijske igre po hi morete radi vremenske rozlike gledot na jutarnjon kafi... Hajduk, Hajduk, Hajduk će do La Corune, a svako popuodnie je trening Pučiške dubiciginoške reprezentacije...
Muore je teplo, vrime je sunčano, vruće, nebo je plavo... Hajduk živi vječno (minimalno do Deportiva). Kupojte se ča veće možete... nikal ne znoš kal će udrit cikluona...

Filozofski ogranak čobanije d.o.o. - u stečaju
Pucisca-bb @ 14:13 |Komentiraj | Komentari: 32 | Prikaži komentare
Anketa
Kako ste zadovoljni litnim programom i događanjima u mistu?




Anketa
Koga simpatizirote od dvo Pučiško vaterpolo kluba?



Anketa
Za koga navijete u Bročkon Ligi?




Anketa
Bi misto propalo ako bi se zatvori Jadrankamen?



Anketa
Je čo maslin?





Anketa
Nojboja Pučiško stuorijica?







Anketa
Bašta- uskrsnuće?!



Anketa
Koliko se čiesto spojite na kroniku?




Anketa
Koji Brački portal vam je drazi?


Anketa
Koliko ste tekstova sa kronike pročitali?




Anketa
Smatrate li da bi stečaj bio kvalitetno rješenje za JK?



Anketa
Dakle?